O Grupo de Desenvolvemento Rural 05, o GDR Miño Ulla, integra a 10 concellos de 3 comarcas cunhas particularidades moi definidas, todas elas representativas da Galicia Interior onde os ríos xogan un papel fundamental na vida económica e social da contorna e definen a paisaxe e os recursos.

A comarca de Sarria aporta os concellos de Sarria, O Páramo, Paradela e Portomarín. A comarca da Ulloa aporta Monterroso, Palas de Rei e Antas de Ulla e a comarca de Chantada aporta os concellos de Chantada, Taboada e Carballedo.

A través do GDR contamos cunha superficie de traballo de 1.375,8 Km2 e unha media de densidade de poboación de 30,65 habitantes/km2. O noso territorio presenta unha potencialidade infinita para ser estandarte na dinamización do rural. O Camiño Francés a Santiago pasa por parte do noso territorio, o mesmo que O Camiño de Inverno a Santiago. A metade dos nosos concellos pertencen á Ribeira Sacra, declarada Ben de Interés Cultural e pendente ante a Unesco de ser catalogada como Patrimonio da Humanidade e Reserva da Biosfera.

O viño e o sector agrogandeiro, coa conseguinte elaboración e transformación do produto, son os pilares da economía, nunha sociedade moi vinculada á cultura fluvial a través dos ríos: Miño, que baña os concellos de Portomarín, Paradela, Taboada, Chantada e Carballedo, e Ulla que baña os Concellos de Antas de Ulla e Monterroso. Os outros concellos contan con outros ríos, así polo Páramo pasa o río Neira, por Palas de Rei o río Pambre e por Sarria e o Páramo o río Sarria. Estamos nun territorio no que ademais están implantados varios produtos con Denominación de Orixe, como é o caso da Denominación de Orixe Ribeira Sacra e os seus viños e a Denominación de Queixo Orixe Arzúa-Ulloa.

Os recursos cos que contamos sin innumerables, se queres potencialos ou tés un proxecto que contribúa a dinamizar a economía e as potencialidades do territorio, contáctanos. Podemos axudarche a facelo realidade.